Друштвото за производство трговија и интелектуални услуги СИ-КОН извоз-увоз ДООЕЛ Велес
Седиште: Христо Узунов бр.3/3 1400 Велес
Телефони: 023125010
Електронска адреса: info@camouflage.mk
Веб страница: https://camouflage.mk/
Електронска адреса: lidija.ristov@si-kon.biz
Телефон: 00389 75 267 765
Оваа информација се однесува на собирањето, чувањето и обработката на личните податоци на физичките лица – субјекти на лични податоци од страна на СИ-КОН ДООЕЛ Скопје. Поконкретно, Информацијата се однесува на:
Како контролор на лични податоци, посветуваме големо внимание на почитување на приватноста и заштитата на личните податоци на своите купувачи (купувачи на ладно оружје, онлајн купувачи и купувачи по пат на синдикална продажба) и обработуваме лични податоци кои ги добиваме од нашите купувачи како субјекти на лични податоци.
Со цел да бидеме доверлив контролор на личните податоци, посветуваме особено внимание на заштитата на личните податоци во секој сегмент на деловните процеси преку имплементација на стандардите за заштита на личните податоци.
Посветени сме да обезбедиме заштита на Вашите лични податоци во согласност со Законот за заштита на личните податоци (во натамошниот текст: ЗЗЛП), подзаконските акти на Агенцијата за заштита на личните податоци и нашите интерни акти.
Вработените кои вршат обработка на Вашите лични податоци, имаат обврска да ги почитуваат начелата за заштита на личните податоци, и тоа:
Законит, правичен и транспарентен начин на обработка на личните податоци
Личните податоци на купувачите на ладно оружје се собираат и обработуваат законито, врз основа на Законот за оружјето, а со цел да се овозможи на надлежните органи да ги направат соодветните проверки, а во врска со обврската за пријава на оружјето, заради издавање на потврда за поседување на оружје од Д категорија.
Личните податоци на онлајн купувачите се собираат и обработуваат врз основа на нивна изјава за согласност.
Личните податоци на купувачи по пат на синдикална продажба се собираат и обработуваат врз основа на договор со синдикална организација.
Личните податоци на лицата кои дале согласност за директен маркетинг се собираат и обработуваат врз основа на нивна изјава за согласност.
Ограничување на целта на обработката на личните податоци
Личните податоци на купувачите се обработуваат за цели утврдени со закон, договор или согласност, и не се предмет на натамошна обработка, за цели различни од првично дефинираните. Секоја потреба за нивно натамошно обработување ќе биде предмет на анализа и проценка на влијанието на обработката врз приватноста на субјектите на кои тие лични податоци се однесуваат.
Ограничување на обемот на личните податоци
Обработката на личните податоци е ограничена само на оние податоци кои се неопходни за да се исполни целта на обработката.
Точност на личните податоци
Планираме и спроведуваме разумни мерки за потврдување на точноста, исправка и/или бришење на неточните или некомплетните лични податоци кои ги обработуваме во извршувањето на нашата дејност. Покрај мерките што ги преземаме, секој купувач има право да побара исправка, измена или бришење на неговите лични податоци на лесен и едноставен начин. Должни сме да направиме исправка на личните податоци во рок од 15 дена од денот на поднесување на барањето за исправка или од денот кога е констатирана неточност на личните податоци или да ги избришеме податоците за кои купувачот барал бришење во рок од 30 дена од поднесувањето на барањето, ако е исполнет еден од условите за бришење.
Ограничување на роковите на обработка на личните податоци
По изминувањето на роковите односно по исполнување на целта за обработката, личните податоци се бришат од соодветната збирка.
Интегритет и доверливост на личните податоци
Преземаме соодветни технички и организациски мерки за заштита на личните податоци од неовластен пристап, незаконско откривање и уништување на податоците. Пристапот до личните податоци е ограничен на лицата на кои им е издадено посебно овластување за обработка на лични податоци. Деталниот опис на технички и организациски мерки за обезбедување на безбедност на личните податоци е прикажан во Политиката со опис на техничките и организациските мерки на информацискиот систем, која е прилог кон Политиката за системот на заштита на личните податоци.
Отчетност
Демонстрираме усогласеноста со сите претходно наведени начела согласно новото начело на отчетност. Имено, обезбедуваме докази и демонстрираме дека се преземени сите потребни мерки за спроведување на начелата во пракса, односно дека имаме капацитет да ги исполниме законските барања.
За нашите купувачи, ги водиме следните збирки на лични податоци
1. Правна основа за обработка на личните податоци на купувачите на ладно оружје е:
– Исполнување на законска обврска (Закон за оружјето)
2. Правна основа за обработка на личните податоци на онлајн купувачите е:
– Согласноста за онлајн купување
3. Правна основа за обработка на личните податоци на купувачите по пат на синдикална продажба (купувачи кои купуваат со директно одбивање од нивната плата) е:
– Исполнување на договорна обврска
4. Правна основа за обработка на личните податоци на лица кои дале согласност за директен маркетинг е:
– Согласноста за директен маркетинг
Пристап до Вашите лични податоци може да имаат:
* Во својство на контролор на лични податоци на купувачите на ладно оружје, даваме лични податоци на МВР врз основа на Законот за оружје .
За Вас ги обработуваме следните категории на лични податоци:
Во Збирка на купувачи на ладно оружје
Овие лични податоци ги добиваме од субјектите на лични податоци и ги обработуваме за цели на водење на евиденција на купувачите на ладно оружје и продаденото ладно оружје согласно Законот за оружјето.
Во Збирката на онлајн купувачи
Овие лични податоци ги добиваме од субјектите на лични податоци и ги обработуваме за цели на реализирање на онлајн продажба..
Во Збирката на купувачи по пат на синдикална продажба
Овие лични податоци ги добиваме од субјектите на лични податоци и ги обработуваме за цели на продажба, под услови договорени со синдикалната организација.
Во Збирката на лица кои дале согласност за директен маркетинг
Овие лични податоци ги добиваме од купувачите и другите посетители на веб страницата, за цели на информирање за најновите продукти и промоции.
Вашите лични податоци ги обработуваме во согласност со одредбите на ЗЗЛП.
Вработените се обврзани да работат во согласност со интерните акти за заштита на лични податоци, а и соработниците на СИ-КОН ДООЕЛ имаат иста обврска, врз основа на договор за обработка на лични податоци.
Секое лице кое има пристап до Вашите лични податоци, без разлика дали е вработено или ангажирано лице во СИ-КОН ДООЕЛ и како такво е обработувач на лични податоци, е обврзано да ја заштитува тајноста на податоците и да постапува според нашите упатства во согласност со важечките законски прописи за заштита на личните податоци.
Само лицата кои се овластени од наша страна, имаат право да пристапат до Вашите лични податоци, до степен потребен за извршување на нивните работни задачи или ангажман, а согласно издадените овластувања за вршење на обработка на личните податоци.
Секое овластено лице кое има пристап до Вашите лични податоци, потпишува изјава со која се обврзува на тајност и заштита на личните податоци при нивната обработка. Притоа, се применуваат најсовремените технички и организациски мерки за заштита на податоците од неовластен пристап, неовластено откривање или евентуална злоупотреба на сите нивоа на извршување на работите. Личните податоци кои ги обработуваме, се чуваат во електронска и хартиена форма.
Ниту ние, ниту нашите соработниците, нема да ги проследат Вашите податоци на користење на трети страни, освен ако за тоа има согласност од Ваша страна или постои законска обврска.
Вашите лични податоци нема да бидат зачувани во форма и/или облик што дозволува да бидете идентификувани подолго отколку што е потребно за да се постигне целта за која се собрани или обработувани.
Личните податоци на купувачите на ладно оружје се чуваат најмалку 20 години од денот на купување на оружјето, сите документи и записи со лични податоци, кои се однесуваат на реализирани продажби и плаќања, се чуваат 10 години по истек на годината во која се издадени, а личните податоци на купувачите кои дале согласност за директен маркетинг се чуваат до повлекување на согласноста.
По истекот на рокот за чување, личните податоци се бришат од нашиот информациски систем, односно се уништува хартиената документација.
Ние вршиме пренос на Вашите лични податоци во земја членка на ЕУ, бидејќи серверите на кои се обработуваат личните податоци се лоцирани во земја членка на ЕУ.
Под одредени услови утврдени со закон, имате право на пристап, исправка, бришење, ограничување на обработката, преносливост на Вашите лични податоци, право на приговор и право на повлекување на согласноста. Овие Ваши права произлегуваат од Законот за заштита на личните податоци.
| Право на информирање (член 17 и 18 од ЗЗЛП) | Имаме обврска да Ве информираме кои податоци ги собираме за Вас, за кои цели ги обработуваме, колку долго ги чуваме и дали ги откриваме на трети страни.
Оваа информацијата за обработка на личните податоци е објавена на веб страницата на СИ-КОН ДООЕЛ http://camouflage.mk/ |
Рок на постапување: Во моментот кога ќе отпочнеме со обработка на Вашите лични податоци |
| Право на пристап
(член 19 од ЗЗЛП) |
На Ваше барање, имаме обврска да Ви дадеме детална информација за податоците што ги обработуваме за Вас. | Рок за постапување: еден месец од денот на поднесување на барањето, а ако е комплексно барањето, три месеци. |
| Право на исправка
(член 20 од ЗЗЛП) |
На Ваше барање, ќе ги исправиме или дополниме Вашите неточни или непотполни податоци. | Рок за постапување: 15 дена од денот на поднесување на барањето. |
| Право на бришење
(член 21 од ЗЗЛП) |
На Ваше барање, ќе ги избришеме податоците: ако е исполнета целта заради која биле обработувани; ако сте ја повлекле согласноста за обработка; ако податоците биле незаконски обработувани; ако приговарате на обработката или заради почитување на законската обврска за бришење на податоците кога веќе не постои правна основа за обработка. | Рок на постапување: 30 дена од денот на поднесување на барањето. |
| Право на ограничување на обработката
(член 22 од ЗЗЛП) |
На Ваше барање, ќе ја ограничиме обработката на личните податоци: ако ја оспорувате точноста на личните податоци, во периодот додека не ја потврдиме нивната точност; ако сметате дека обработката е незаконита, но се спротивставувате на бришењето или ако податоците ви се потребни за остварување на правни барања. | Рок за постапување: еден месец од денот на поднесување на барањето, а ако е комплексно барањето, три месеци. |
| Право на преносливост на податоците
(член 24 од ЗЗЛП) |
На Ваше барање, ќе Ви ги пренесеме личните податоци во структуриран, вообичаено користен и машински читлив формат. Ова право е применливо кога се врши обработка на лични податоци врз основа на согласност или договор и кога обработката се врши со автоматизирани средства. | Рок за постапување: еден месец од денот на поднесување на барањето, а ако е комплексно барањето, три месеци. |
| Право на приговор
(член 25 од ЗЗЛП) |
Ако обработка на Вашите лични податоци се врши за цели на директен маркетинг, Вие имате право да приговарате против конкретната обработка на податоци. | Рок за постапување: еден месец од денот на поднесување на барањето, а ако е комплексно барањето, три месеци. |
| Право на повлекување на согласноста
(член 11 од ЗЗЛП) |
Кога правна основа за обработка на Вашите лични податоци е согласноста, на Ваше барање ќе престанеме да вршиме нивна обработка. Повлекувањето на согласноста не влијае на законитоста на обработката која се вршела врз основа на согласноста пред повлекувањето. | Рок за постапување: веднаш. |
За остварување на Вашите права, како и за прашања во врска со обработката на Вашите лични податоци, Ве молиме пополнете го соодветниот образец и испратете го на електронска адреса: lidija.ristov@si-kon.biz
Образец 1 Барање за пристап до лични податоци
Образец 2 Барање за исправка на лични податоци
Образец 3 Барање за бришење на лични податоци
Образец 4 Барање за ограничување на обработката на личните податоци
Образец 5 Барање за преносливост на личните податоци
Образец 6 Приговор
Образец 7 Барање за повлекување на согласноста
Агенцијата за заштита на личните податоци е надлежен надзорен орган за заштита на личните податоци во Република Северна Македонија
бул. „Гоце Делчев“ бр. 18 Скопје
Телефон: 389 2 323 0635
Е-маил: info@privacy.mk
Доколку сметате дека обработката на Вашите лични податоци од наша страна, не е во согласност со одредбите на ЗЗЛП или пак сметате дека е повредено некое Ваше право за заштита на личните податоци, имате право да поднесете барање пред Агенцијата за заштита на личните податоци, согласно член 97 од ЗЗЛП.
Барањето можете да го преземете на следниот линк:
https://www.dzlp.mk/sites/default/files/u4/baranje_za_utvrduvanje_na_prekrsuvanje_na_zzlp.docx
© 2026 Camouflage Shop.
